Време: Сончево со температура до 34 степени

Времето во Македонија ќе биде сончево и топло со мала локална облачност и со слаб до умерен ветер од променлив правец.

Утринската температура ќе се движи од девет до 19, а дневната од 27 до 34 степени.

Во Скопје и околината слично време, со утринска температура околу 15 и со дневна до 32 степени.

Од утре нашето подрачје ќе биде под влијание на многу топла и сува воздушна маса од северна Африка, што ќе предизвика високи температури кои од средината на неделата во југоисточниот дел на земјава се очекува да достигнат 39 степени.

УВ-индексот ќе биде доста висок со вредност 9.